Kaisi hai aap sab? Umeed hai sab badhiya hi honge! Jaise ki aap sabko pata hai, aaj IPL 2024 Season 18 ka 4th Match hai, jisme do padosi teams aamne-samne aaye hain. Delhi Capitals (DC) vs. Lucknow SuperGiants (LSG) ka yeh thrilling encounter dekhne laayak tha. DC ke captain Axar Patel ne toss jeet ke pehle bowling ka faisla kiya.
LSG ki Zabardast Shuruaat
LSG ki taraf se opening partnership ke liye aaye Aiden Markram aur Mitchell Marsh, jinhone Lucknow ke liye shandaar aur dhamakedar shuruaat ki. Par iss zabardast partnership par rok lagane ke liye aaye IPL debutant Vipraj Nigam, jinhone Markram ka wicket lekar DC ko pehli safalta dilai. Dusri taraf, Marsh ne apni explosive batting jaari rakhi aur Lucknow ke liye fastest powerplay runs banaye.
Ab Marsh ke sath batting karne aaye Nicholas Pooran, jinhone doosri taraf se tabadtod batting shuru ki aur dono ne milkar LSG ke liye scoreboard pe bade runs jod diye. Iske baad Mukesh Kumar ne Marsh ka wicket lekar Lucknow ko dusra jhatka diya. LSG ka captain Rishabh Pant crease par aaye, lekin sirf 6 balls khelkar 0 pe out ho gaye.
Lekin Pooran abhi bhi dusri taraf tikke rahe aur ek zabardast inning kheli. Phir Mitchell Starc ne apni lethal bowling se khatarnak dikh rahe Pooran ko clean bowled kiya, jisse LSG ke run rate ko dhakka laga.
Pooran ke out hote hi LSG ke scoring rate mai kami aayi, lekin last mai David Miller ki dhamakedar batting ki wajah se LSG ne 20 overs me 209 runs ka bada score khada kiya aur DC ke samne ek tough target rakha.
DC ki Run Chase - Ashutosh Sharma ka Classic Performance
DC ki taraf se opening ke liye aaye Jake Fraser aur Faf du Plessis, lekin LSG ke bowlers ne powerplay me hi DC ke top order ko khatam kar diya. Phir batting karne aaye Ashutosh Sharma, jinhone apni aggressive yet classic batting se DC ke camp me jeet ki umeed jagayi. Unka sath dene aaye Vipraj Nigam, jinhone dusri taraf se shandar batting ki aur runs ki raftaar banaye rakha.
Lekin LSG ke bowlers ne bhi umeed nahi chodi aur 16th over me Vipraj Nigam (39 off 15 balls) ko out karke LSG ko match me wapas laaya. Tab laga ki match LSG ki taraf palat gaya hai, lekin Ashutosh Sharma ne apni explosive batting se match ka rukh palat diya. Unhone lagataar boundaries aur sixes lagakar Delhi Capitals ko ek historic jeet dilai.
Nail-Biting Finish - DC Wins in Style!
IPL 2024 ka yeh pehla thrilling nail-biting match raha, jisme Delhi Capitals ne Lucknow SuperGiants ko hara diya aur ek dhamakedar jeet hasil ki. Fans ke liye yeh match full entertainment package raha aur Ashutosh Sharma ki batting IPL ke iss season ka ek highlight ban gayi!
Next Match Alert - Gujarat Titans vs. Punjab Kings
To chaliye, ab main bhi aapse vida leta hoon, aur kal phir milenge Ahmedabad ke Narendra Modi Stadium me, jaha Prince Shubman Gill ki Gujarat Titans aur Shreyas Iyer ki Punjab Kings ek doosre se takraayengi. To tayyar rahiye aur IPL 2024 ka full action live enjoy karein!
Till Then… Bye Bye & Take care…Aur IPL Dekhte rahiye aur maze kariye…